Калядны бранч для дзетак і іх бацькоў

27 снежня з 11:00 да 14:30 "Дзіцячыя творчыя майстэрні" Галерэі “Ў” робяць святочны бранч ва “Ў” бары, які потым перойдзе ў Кнігарню "ЛогвінаЎ".

Падчас бранча можна будзе паглядзець тэатральнае прадстаўленне, узяць удзел у двух вясёлых майстар-класах, паслухаць вершы і чароўны канцэрцік флейты са скрыпкай.
Сёлета “Дзіцячы творчыя майстэрні” зробяць утульнае дзённае свята для дзетак і бацькоў, падчас якога за тры гадзіны дзеткі паспеюць пагрузіцца ў калядную казку: зробяць маскі і падсвечнікі, якія аздобяць навагоднюю ноч, наведаюць спектакль сапраўднай батлейкі, паслухаюць вясёлыя вершыкі і убачаць канцэрт у выканнні музыкаў Вялікага Тэатра Оперы і Балета РБ, а таксама паласуюцца калядным пачастункам.

Праграма свята:
11:00 – 12:00 Майстар-клас для дзетак па рабленні калядных масак
12:00 – 12:30 Батлейка
12:30 – 13:30 Майстар-клас па рабленні пекных падсвечнікаў
13:30 – 14:00 Канцэрт класічнай музыкі. Дзіана Гантарэнка флейта, Алег Яцына скрыпка
14:00 – 14:30 працяг у Кнігарні "Логвінаў" - “Нататкі таткі” і песенкі ад Андрэя Хадановіча

У кошт квітка ўваходзіць святочная праграма і пачастунак.

Фота: xmashome.xyz