Спектакль-шутка «Сцяпан – вялікі пан» (6+)

Таленавіты шавец Сцяпан бескарысліва дапамагае людзям і жывёлам, а Лісіца бярэцца сумленна паслужыць Сцяпану. Перш-наперш просіць у яго боты добрай работы: каб усіх запэўніць у сваёй саліднасці, бо мае пільную патрэбу трапіць у царскі палац.

Але трапіць – толькі пачатак справы. Каб даўмецца свайго, трэба ўважліва агледзецца, ацаніць абставіны ды дзейнічаць хітра, мудра ды ўпэўнена. Бо не для сябе – для Сцяпана стараецца.

Лялек у бутафорскай майстэрні тэатра вырабіла скульптар Наталля Кудашкіна.

Музычнае афармленне: Павел Захаранка.

Кампазітар: Юрый Бачкароў.

Балетмайстар: Анастасія Астапенка.

Рэжысёр-пастаноўшчык: Уладзімір Савіцкі.

Мастак-пастаноўшчык: Ларыса Рулёва.

Працягласць – 60 хвілін.