Юр’я – адно з самых багатых і шанаваных святаў народнага календара, святкуецца шостага траўня ў дзень Святога пакутніка Георгія Перамаганосца, заступніка свойскай жывёлы і палеткаў ва ўяўленні беларускага селяніна. Веснавы Юр’я пазначаў сабою сапраўдны пачатак вясны. У гэты дзень сяляне выходзілі з песнямі і ахвярнаю ежаю аглядаць сваю ніву. З Юр’ем звязваўся звычайна і першы выган жывёлы на пашу.
Беларускі дзяржаўны музей народнай архітэктуры і побыту запрашае Вас наведаць абрадавае мерапрыемства «Юр’я», на якім будуць прадстаўлены асноўныя ўрачыстасці свята, перш за ўсё звязаныя з шанаваннем зямлі.
У праграме мерапрыемства:
- Юраўскія спевы;
- Абрад «Тураўскі карагод»;
- Ушанаванне палеткаў;
- Першы выган жывёлы на пашу;
- Народныя песні і танцы.
У свяце прымуць удзел фальклорныя гурты г. Мінска. Усе госці свята атрымаюць кубачак цёплай травяной гарбаты!
Фото: Generation.by