Спектакли

Мова Х (16+)

1 сентября 2018

Справки: тут.

Вход: 5 руб.

Мова Х (16+)

Эксперыментальны тэатр «Галава-Нага» запрашае на спектакль «Мова Х» паводле вершаў сучаснай беларускай паэткі Вальжыны Морт (рэж. Аляксей Стрэльнікаў). Паказ адбудецца 1 верасня ў 14.00 і 16.00.

«Беларусь – гэта будучае Беларусі. Быццам, нас яшчэ няма, але мы не можам не нарадзіцца» 
(В.Шпарага).

Вершы Вальжыны Морт «Беларуская мова І» і «Беларуская мова ІІ» не толькі пра маўленчую сітуацыю, яны пра настрой маладога чалавека ў маладой дзяржаве. Як суаднесці сваё ўласнае светаадчуванне з грамадскімі стэрэатыпамі і вагой традыцыі? Як адчуць свой голас у хоры, адрозніць свае жаданні ад тых, што нам навязалі?

«Мы і ёсць наша мова», - піша Вальжына Морт.

Хто мы?

«Мова Х» – гэта спектакль-рытуал. Гледачы запрашаюцца да ўдзелу ў рытуале прысвячэнне роднай мове. Нарадзіцца разам з мовай, дапамагчы ёй пасталець, развіцца, сустрэцца з перашкодамі і перарадзіцца ізноў. 

Аснову рытуалу складзе традыцыйнае тэатральнае кола. Застацца ці вырвацца з гэтага кола кожны мусіць вырашыць для сябе сам. 

У гэтым годзе спектакль атрымаў спецыяльны прыз у намінацыі «Найлепшая эксперыментальная праца» на міжнародным тэатральным фестывалі «Тэатральны Куфар – 2016».