Ноч кажаноў (0+)

Кажаны запрашаюць на свята ў дворык IBB з 19 да 22 гадзінаў. Цягам вечара ты даведаешся:

• хто такія кажаны і якія віды жывуць у Беларусі?
• што пагражае нашым кажанчыкам?
• што рабіць, калі кажан раптам стаў тваім суседам?
• як быць, калі кажан заляцеў у госці?
• як наўмысна зрабіць кажанчыкам домік?
• ..і шмат іншага.

У праграме:

19:00 – 20:30 — Дзеткі і дарослыя змогуць зрабіць свайго кажана на творчых майстар-класах і забраць дадому як сувенір, зрабіць класныя здымкі ў фотазоне, паглядзець выставу “Дзівосныя рукакрылыя”, паўдзельнічаць у гульнях і віктарынах з прызамі, упрыгожыць сябе аквагрымам. Для дзетак будзе працаваць аніматар.

20:30 – 22:00 – Неверагодна цікавая лекцыя хіраптэролага, навуковага супрацоўніка НПЦ па біярэсурсах НАН Беларусі Аляксея Шпака.

Сагрэцца ў гэты вечар дапамогуць гарачая гарбата, кава і цудоўны настрой.