Экспазыцыя распавядзе пра мінулае Курапатаў цягам апошніх 27 гадоў, пра першаадкрывальнікаў Нацыянальнага нэкропалю і яго абаронцаў, пра ахвяраў сталінізму і іх катаў. На выставе можна будзе даведацца пра незвычайныя факты, убачыць унікальныя дакумэнты, здымкі, артэфакты, кінастужкі і творы выяўленчага мастацтва, большасць зь якіх дэманструецца ўпершыню, паслухаць успаміны сьведкаў і творы беларускіх бардаў.
Галоўнымі арганізатарамі выставы сталі Грамадзянская ініцыятыва “Экспэрты ў абарону Курапатаў” і суполка “Пагоня” Беларускага саюзу мастакоў.
Праграма імпрэзаў
13 лістапада а 17:00 – адкрыцьцё выставы.
14 лістапада а 15:00 – прэзэнтацыя стужкі Міхася Жданоўскага “Дарога на Курапаты”.
15 лістапада а 15:00 – выступ бардаў Аляксея Галіча і Зьмітра Захарэвіча.
16 лістапада а 12:00 – прэсавая канфэрэнцыя,
а 17:00 – прэзэнтацыя стужкі Вольгі Мікалайчык “Я – голас Курапатаў”.